ليش الواحد بعرفش يخشع في هل البلد؟


يتميز بلدنا بوجود انواع عديدة من المصلين وأبرزهم بلا شك

النوع الأول:

المسجد بكون فاضي وما في غير الإمام وانت وكم واحد متقاعد وحراس المنطقة. المهم بيجي النوع الأول من المصلين لعندك دونا عن الكل ومع انو المسجد في اماكن كثيرة فاضية وبقلك “انت ماخذ مكاني”.

النوع الثاني:

انت قاعد بتقرأ قران والمسجد برضو فاضي وفي أكثر من مصحف محطوطين على الرف. المهم بيجي النوع الثاني من المصلين وبلزق جنبك وبيسير يقرأ القرآن معك ومرات بصوت عالي. بزبط مثل أيام المدرسة لما كنت تنسى كتابك وتضطر تشارك زميلك عشان تفهم الحصة.

النوع الثالث:

انت زيك زي كل هل بشر بتصلي, بس بتقرأ القران بسرك. المهم بنط واحد جنبك بخلعك كتف على اساس بنلعب كرة وببلش يصلي بصوت عالي ولازم يسمع كل المسجد انو عم بصلي.

المهم العبرة بالموضوع, بصراحة ليسه ما بعرف… بس المهم الفكرة تكون واصلة.